Zamboanga City – Arestado ang isang lalaki na may kasong Qualified Theft sa isinagawang Manhunt Charlie Operation ng Zamboanga PNP nito lamang Miyerkules, Hunyo 15, 2022.
Kinilala ni Police Major Julius Dao-an, Chief of Police ng Zamboanga City Police Office-Station 3, ang suspek na si Richmoon Apolinario Del Mundo, may asawa, residente ng Purok 1, Barangay Cacao, Zamboanga City.
Ayon kay PMaj Dao-An, bandang 9:47 ng gabi nang naaresto ang suspek sa Purok 3, Brgy. Sangali, Zamboanga ng pinagsanib na puwersa ng mga operatiba ng Zamboanga City Police Office-Station 3 at Regional Mobile Force Battalion 9 sa bisa ng Warrant of Arrest sa kasong Qualified Theft.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
