Dalaguete, Cebu – Nagsagawa ng Feeding Program ang RMFB 7, 703RD Maneuver Company sa Sampig Elementary School sa Sitio Sampig Brgy. Mantalongon, Dalaguete, Cebu nito lamang umaga ng Huwebes, ika-16 ng Hunyo 2022.
Ang aktibidad ay pinangunahan ni Police Lieutenant Ronnel Pis-Ong Diwag, Officer-in-Charge ng RMFB 7, 703RD Maneuver Company katuwang ang aktibong miyembro ng Elite Guardians Dalaguete Chapter.
Ayon kay Police Lieutenant Diwag, binisita ng mga kapulisan ang nasabing paaralan para mamigay ng masustansyang lugaw para sa mga bata.
Ayon pa kay Police Lieutenant Diwag, lubos na nagpapasalamat ang mga guro at magulang ng mga bata sa PNP sa libreng pagkain na naibigay sa kanilang mga anak.
Layunin ng aktibidad na mapagtibay ang ugnayan ng PNP sa mga mamamayan upang maging kaisa sa pagpapanatili ng kapayapaan at seguridad sa mga bata.
###
Panulat ni Patrolwoman Jenilyn C Consul
