Sultan Kudarat – Patuloy na isinasagawa ng PNP ang Oplan Kalinaw Reloaded katuwang ang pamahalaan ng Sultan Kudarat at mga Advocacy Support Group na idinaos sa Brgy. Cadiz Gymnasium, Kalamansig, Sultan Kudarat noong Hunyo 15, 2022.
Pinangunahan nila Police Major Heilbronn Okoren, Officer-in-Charge ng Kalamansig Municipal Police Station at Leonario Madriaga, Chairperson ng Brgy. Cadiz ang pagsasagawa ng programa katuwang ang Municipal Civil Registrar, Municipal Assessors, Municipal Disaster Risk Reduction Management Office (MDRRMO), KKDAT Kalamansig Chapter, Municipal Advisory Group for Police Transformation and Development (MAGTPD) at 2nd Sultan Kudarat Provincial Mobile Force Company.
Ayon kay PMaj Okoren, tinatayang 150 indibidwal ang nakasaksi at nakatanggap ng maiinit at masusustansyang pagkain, libreng gupit, libreng birth at marriage certificate reconstruction para sa IPs at sa mga kapatid na Muslim at libreng Medical Check-up na inihandog sa naturang programa.
Sa kabilang banda naman, ipinaliwanag naman ni Gng. Bernadita Tuga, Municipal Assessors ang kasalukuyang programa na iniaalok ng kanilang tanggapan lalo na sa pag-aayos ng kanilang mga buwis sa estado at muling pagtataas ng halaga ng kanilang mga ari-arian.
Pagkatapos ay sinundan naman ng MDRRMO, kung saan tinuruan at hinikayat ang lahat na laging maging handa, mapagmatyag at magpakalat ng impormasyon tungkol sa kahandaan sa sakuna lalo na ngayong mga napapanahon ng tag-ulan.
Dagdag pa ni PMaj Okoren, ang OPLAN: KALINAW RELOADED ay isa lamang sa mga programa ng gobyerno kung saan iba’t ibang serbisyo ang iniaalay sa mamamayan at sa pamamagitan ng programang ito ay mapapanatili ang magandang ugnayan ng pamahalaan at ng mamamayan.
###
Panulat ni Patrolman Khnerwin Jay A Medelin
