Pinangunahan ni Acting City Mayor Sebastian “Baste” Duterte bilang kinatawan ni Vice President elect Mayor Sara Z. Duterte bilang Guest of Honor at Speaker ang ceremonial turn-over at blessing ng Davao City Police Office main building sa loob ng Camp Captain Domingo E Leonor, San Pedro Street, Davao City, Hunyo 15, 2022.
Kasama ni Acting Mayor Baste Duterte ang PRO11 Regional Director, PBGen Benjamin H Silo, Jr at si dating DCPO City Director, PCol Kirby John Brion Kraft, na ngayon ay itinalaga bilang Deputy Director, PNP Special Action Force (SAF), PCol Alberto P Lupaz, DCPO Acting City Director, at Engr. Rey Peter Gille, Regional Director, DPWH 11.
Ang nasabing ceremonial turn-over ay dinaluhan din ni PCol Thor Valiente Cuyos, Dep. Regional Director for Admin (DRDO), Atty. Joey Felizarta, Head, City Engineer’s Office, DCPO Command Staff, staff at personnel ng DPWH 11 kasama ang Project Engineer ng AIM Construction and Supply, at iba pang stakeholders.
Ang Php163,800,000 ay kinuha sa Local Infrastructure Program ng CY. 2021 ng DPWH sa pamamagitan ng pagsisikap at inisyatibo ni Davao City 1st District Representative Paolo Z. Duterte.
Ang DCPO Main Building ay may tatlong palapag na gusali na kumpleto sa gamit sa fire emergency system, elevator, fully air conditioned na mga kuwarto, at roof deck. Ang parehong gusali ay natapos ng mas maaga o nasa tatlong buwan bago ang expiration ng kontrata.
Ang bagong gusali ay ookupahan ng iba’t ibang opisina at unit ng Davao City Police Office.
###
Panulat ni Patrolman Alfred Vergara
