Surigao, del Norte – Tinatayang nasa Php346,000 halaga ng shabu ang nakumpisa sa isinagawang buy-bust operation ng Caraga PNP at Philippine Drug Enforcement Agency-Regional Office 13 na humantong sa pagkaaresto ng suspek na dating konsehal ng Socorro, Surigao del Norte nito lamang Miyerkules, Hunyo 15, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang nadakip na si ex-councilor na si Roland Mascardo, 37 anyos.
Ayon kay PBGen Caramat, bandang 6:15 ng umaga nang naaresto si Mascardo sa P-2, Brgy. Rizal, Socorro, Surigao del Norte ng mga tauhan ng Surigao del Norte Police Provincial Office – Provincial Drug Enforcement Unit, Socorro Municipal Police Station at PDEA RO13.
Nakumpiska ang 11 na piraso ng transparent plastic sachets na naglalaman ng hinihinalang shabu na may timbang na 51 gramo na nagkakahalaga ng Php346,800, buy-bust money at isang cellphone.
Nahaharap si Mascardo sa kasong paglabag sa RA 9165 o Comprehensive Dangerous Drugs Act of 2002.
Ang Caraga PNP katuwang ang PDEARO13 ay patuloy sa pagpupursigi na labanan ang ilegal na droga upang mapangalagaan sa anumang banta ng kriminiladad ang rehiyon.
###
Panulat ni Patrolman Jhunel Cadapan/RPCADU13
