Iloilo City – Nasabat ang humigit Php544K halaga ng shabu sa tatlong suspek na nasakote sa buy-bust operation ng PNP, nito lamang gabi ng Lunes, Hunyo 13, 2022.
Kinilala ni PMaj Jose Val Ladublan, Station Commander ng La Paz Police Station ang mga suspek na sina Archie Tipanan, 35, at Margareta Concepcion Sorilla, 27, at kapatid ni Archie na si Eden Rose Robles, 40, pawang mga residente ng Zone 2, Brgy. Caingin La Paz, Iloilo City.
Ayon kay PMaj Ladublan, nahuli ang mga suspek bandang 6:50 ng gabi sa nabanggit na lugar ng pinagsanib pwersa ng Regional Police Drug Enforcement Unit at Station Drug Enforcement Team La Paz PNP.
Ayon kay PMaj Ladublan, nakuha mula sa mga suspek ang 19 na transparent plastic sachet na hinihinalang shabu na may bigat na 80 grams na nagkakahalaga ng Php544,000 kasama ng ginamit na drug-bust money.
Ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na pagkahuli sa mga drug suspek ay patunay na pinalakas ng PNP ang kampanya nito laman sa ilegal na droga.
###
