Roxas, Palawan – Nagsagawa ng Tree Planting Activity ang mga tauhan ng Roxas PNP sa Sitio Araren, Barangay 3, Roxas, Palawan nito lamang Martes, Hunyo 14, 2022.
Ayon kay Police Major Carlito Valdez, Acting Chief of Police ng Roxas MPS, may kabuuang 300 punla ng narra ang naitanim ng mga grupo sa nasabing barangay.
Kabilang sa nakilahok ang Palawan Council for Sustainable Development, Department of Environment and Natural Resources, Roxas Environmentally Critical Areas Network, Palawan Center for Appropriate Rural Technology, National Commission on Indigenous Peoples, Bureau of Fire Protection, Marine Battalion Landing Team-3, Local Government Unit Roxas, Staff at mga estudyante ng Palawan State University Roxas Campus, Kaligkasan Advocacy Support Group, Kabataan Kontra Droga at Terorismo Roxas Chapter, Barangay Peacekeeping Action Teams at mga Brgy. Officials ng Sitio Araren, Barangay 3 Roxas, Palawan.
Layunin ng aktibidad na itaas ang kamalayan ng lipunan sa kahalagahan ng pagtatanim at pag-iingat ng mga puno, ipahayag ang ating pagmamalasakit sa kapaligiran, at bawasan ang hindi magandang epekto ng pagbabago ng klima.
Hinihikayat naman ng PNP ang komunidad na patuloy na makiisa at makilahok sa mga programang ilulunsad ng pamahalaan upang mapanatili ang kagandahan at kasaganahan ng likas na yaman sa bansa.
Source: Roxas MPS Palawan
###
Panulat ni Patrolman Erwin Calaus
