Davao City – Mapanganib man ang daan papunta sa lugar kung saan itatayo ang solar street light ay hindi nagdalawang-isip ang mga tauhan ng Revitalized Pulis sa Barangay Team Marilog Sub-Cluster 3 na magpaabot ng tulong sa mga residente ng Brgy. Suawan, Marilog District, Davao City, nito lamang Lunes, Hunyo 13, 2022.
Pinangunahan ni PLt Rock Dela Rosa, Team Leader ang pagtatayo ng solar street light sa nasabing barangay kasama si Patrolman Pedrisito Revamonte Jr. ng 1105th Maneuver Company, Regional Mobile Force Battalion 11.
Sa pamamagitan ng proyekto ng RMFB 11 R-PSB Team Marilog Sub-Cluster 3, ay liliwanag na ang kalsada at komunidad ng mga residente ng nasabing barangay at malaking tulong din ito upang maiiwas sila sa anumang krimen at aksidente.
Samantala, lubos naman ang naging pasasalamat ng mga residente sa lugar dahil sa wakas ay natupad na ang kanilang kahilingan na magkaroon ng maliwanag na daan.
###
Panulat ni Patrolwoman Rose Ann Delmita
