Habang nagpapatrolya ang mga tauhan ng Governor Generoso Municipal Police Station sa pamumuno ni PCpt Ramil F Rivera, isang tao ang humingi ng tulong sa kanila upang maihatid sa ospital ang isang buntis na malapit nang manganak na si Ginang Maricel G. Gonzaga, 33 taong gulang na residente ng Purok 8, Brgy. Nangan, Governor Generoso, Davao Oriental, gabi ng Sabado, Oktubre 23, 2021.
Kaagad isinakay nina PCpl Mark Jun L Tan at PCpl Andro E Kilat sa kanilang patrol car si G. Maricel ngunit habang tinutulungang makasakay ito ay tuluyan na itong napaanak at isinilang ang isang sanggol na babae. Matapos nito ay agad din nila itong isinugod sa Davao Oriental Provincial Hospital-Governor Generoso para matingnan ng maayos ang nanay at ang sanggol nito.
Ang batang babaeng sanggol ay pinangalanang Kai Angeline Gonzaga na ngayon ay napakalusog at naiuwi na sa kanila sa Purok 4, African Daisy, Brgy. Tiban 2, Governor Generoso, Davao Oriental.
Malaki ang naging pasasalamat ni G. Maricel at ng pamilya nito kina PCpl Tan at PCpl Kilat sa agarang pagtulong at pagdala sa kanya at ng kanyang anak sa ospital at sila ay naging ligtas.
Salamat sa inyong masigasig na pagpapatrolya at sa inyong walang alinlangang pagtulong sa lubos na nangangailangan lalo na sa katulad na sitwasyon kung saan kinakailangan ang mabilis na aksyon.
Kudos GovGen MPS, tunay talaga na maaasahan ang kapulisan!
Photo Courtesy by: ?GovGenMPS
#####
 Article by Police Corporal Mary Metche A Moraera
