Calumpit, Bulacan – Arestado ang Top 5 Most Wanted Person ng Regional Highway Patrol Unit-National Capital Region sa kasong Carnapping nito lamang Lunes, Hunyo 13, 2022.
Kinilala ni PLtCol Joel Mendoza, Officer-in-Charge, Regional Highway Patrol Unit – NCR, ang suspek na si Michael Habala, alias “Penguin”, 29, Security Guard, residente ng Tierra Monte Covina, Silangan, San Mateo, Rizal.
Ayon kay PLtCol Mendoza, bandang 5:40 ng hapon nang naaresto si Habala sa tapat ng Jed’s Island Resort, MacArthur Highway, Calumpit, Bulacan sa isinagawang intelligence driven operation ng mga operatiba ng RHPU-NCR Intelligence Section sa pamumuno ni PMaj Anselmo Chulipa.
Ayon pa kay PLtCol Mendoza, naaresto si Habala sa bisa ng Warrant of Arrest sa kasong paglabag sa RA 10883 o New Anti-Carnapping Act of 2016 na may rekomendadong piyansa na Php300,000.
Ang bawat matagumpay na operasyon ng PNP ay dahil na rin sa tulong at impormasyon ng bawat mamamayan na malaking aspeto sa pagkakaroon ng mas mapayapang komunidad.
###
Panulat ni Police Senior Master Sergeant Marisol A Bonifacio
