Leyte – Namahagi ng relief donations bilang tulong para sa mga pamilyang kapos-palad at lubhang naapektuhan ng pananalasa ng Bagyong “Agaton” na tumama sa Abuyog at Baybay na pinagkaloob ng Regional Mobile Force Battalion 8 noong mismong Araw ng Kalayaan, Hunyo 12, 2022.
Ang naturang aktibidad ay naisakatuparan sa pagsisikap at pagtutulungan ng mga tauhan mula sa RMFB 8 Headquarters sa pangunguna ni Police Lieutenant Colonel Marino Azur Estonio, Deputy Force Commander at mga tauhan ng 805th Maneuver Company sa pangunguna ng Police Captain Joet Micah Evangelista, Officer-in-Charge.
Matagumpay na naipamahagi ang mga relief food packs sa mga pamilyang walang tirahan na pansamantalang nanunuluyan sa Evacuation Center ng Abuyog, Leyte at Baybay City, Leyte.
Nakilahok din sa nasabing aktibidad ang mga tauhan ng Abuyog MPS at Baybay CPS at sa tulong mula sa PNPA Class Lakandula ng 2015, Cerebrum Esports, Ghost Wrecker, Salaam Kapatid at Alpha Phi Omega Beta Chi Chapter na nag-sponsor at nagbigay ng pinansyal na tulong para sa nasabing ipinamahagi na relief food packs.
Ipagpapatuloy ng RMFB 8 ang kanilang mandato na maglingkod at magprotekta sa ating mga kababayan upang gawing mas ligtas at mas mapayapa ang komunidad.
###
Panulat ni Patrolwoman Rialyn Valdez
