Santiago, Ilocos Sur – Arestado ng Santiago Municipal Police Station ang Top 1 Most Wanted Person sa Municipal Level na may kasong paglabag sa Republic Act 7610 nitong Lunes, Hunyo 13, 2022.
Kinilala ni Police Lieutenant John-John Garan, Officer-in-Charge, ang suspek na si Ryan Velasco y Pascua, 19, residente ng Brgy. Nalvo, Sta. Maria, Ilocos Sur.
Ayon kay Police Lieutenant Garan, naaresto ang suspek sa tirahan nito ng mga tauhan Ng Santiago MPS at sa pakikipagtulungan ng Sta. Maria MPS, Provincial Intelligence Unit (PIU), at ng Provincial Investigation and Detective Management Branch- Ilocos Sur Police Provincial Office (PIDMB-ISPPO).
Ayon pa kay Police Lieutenant Garan, naaresto ang suspek sa bisa ng Warrant of Arrest sa kasong paglabag sa Republic Act 7610 (Special Protection of Children against Abuse, Exploitation and Discrimination Act).
Ang ating mga alagad ng batas ay patuloy na nananawagan sa ating mga mamamayan na huwag magsawang makipagtulungan upang tuluyang masugpo ang mga taong may pananagutan sa batas.
Source: Santiago Municipal Police Station
###
Panulat ni PSSg Vanessa A Natividad/ RPCADU1
