Pinamalayan, Oriental Mindoro – Nagsagawa ng Feeding Program ang mga tauhan ng 2nd Provincial Mobile Force Company sa Malaya Elementary School, Brgy. Malaya, Pinamalayan, Oriental Mindoro noong Hunyo 13, 2022.
Ang aktibidad ay pinangunahan ni Police Lieutenant Colonel Aldwin Santos, Force Commander ng 2nd PMFC, sa pakikipag-ugnayan kay Jose Delmo Mones, School Head Teacher ng Malaya Elementary School, Barangay Peacekeeping Action Teams, Kabataan Kontra Droga at Terorismo, Barangay Health Worker, at mga barangay officials.
Umabot sa 75 na mag-aaral ng Malaya Elementary School ang napakain ng ating mga alagad ng batas.
Labis naman ang tuwa ng mga estudyante ng nasabing paaralan at buong puso naman na nagpapasalamat ang mga mag-aaral.
Layunin nitong maghatid ng mga pangunahing serbisyo sa mga mamamayan lalo na sa mga bata.
Ang PNP ay handang tumulong sa anumang paraan at sa abot ng kanilang makakaya upang magbigay serbisyo sa ating mga kababayan.
Source: Secondpmfc OrMin
###
Panulat ni Patrolman Erwin Calaus
