Davao City – Nagtayo ng anim na street lights ang Revitalized Pulis Sa Barangay Team Paquibato sa Purok 13 Sitio Ayagon, Brgy. Lumiad, Davao City, nito lamang Linggo, Hunyo 12, 2022.
Pinangunahan ni PLt Alvin Spencer Cahilig, Team leader ng R-PSB ang nasabing aktibidad, katuwang ang Purok leader na si Jonathan Orbeta at kagawad na si Romeo Mirafuentes.
Tinawag ang aktibidad na “Pailaw sa Purok” na magsisilbing liwanag sa mga kalsada tuwing gabi sa mga Geographically Isolated and Disadvantaged Areas (GIDAS) lalo na sa ilang bahagi ng Paquibato District.
Naisagawa ang nasabing aktibidad sa tulong at suporta ni Senator Ronald “Bato” Dela Rosa na nagbigay ng mga nasabing Solar Street Light.
Ang proyekto ay handog din ng RPSB Team upang gunitain ang araw ng kalayaan at magbigay pugay sa ating mga matatapang na bayani na nagbuwis ng kanilang sariling buhay para sa kalayaan ng ating bansa.
###
Panulat ni Patrolman Alfred Vergara
