Manaoag, Pangasinan – Arestado ng Manaoag Municipal Police Station ang Top 1 Most Wanted Person sa Municipal Level na may kasong 3 Counts of Rape sa Manaoag, Pangasinan nitong Biyernes, Hunyo 10, 2022.
Kinilala ni Police Major Fernando Fernandez Jr., ang suspek na si Andrew De Guzman y Solomon, 23, residente ng Brgy. Pao, Manaoag, Pangasinan.
Ayon kay Police Major Fernandez Jr., bandang hapon nang naaresto ang suspek sa tirahan nito sa naturang barangay sa bisa ng Warrant of Arrest.
Samantala, patuloy pa rin ang Manaoag PNP sa pagtugis ng mga taong may sala sa batas upang mapanagot ang mga ito at mapanatiling tahimik ang kanilang nasasakupan laban sa mga masasamang-loob at upang masiguro ang kaligtasan ng mamamayan.
Source: Manaoag Municipal Police Station
###
Panulat ni Patrolman Viljon Comilang
