San Dionisio, Parañaque City — Tinatayang Php646,000 halaga ng shabu ang nakumpiska sa buy-bust ng mga otoridad sa isang tricycle driver sa Parañaque City nito lamang Biyernes, Hunyo 10, 2022.
Kinilala ni Police Colonel Maximo Sebastian Jr., Chief of Police ng Parañaque City Police Station, ang suspek na si Mogeric Villaluz Bayaoa alyas “Nognog”, 42.
Ayon kay PCol Sebastian, bandang 4:30 ng madaling araw naaresto si Bayaoa sa Tramo 1, Brgy. San Dionisio, Parañaque City ng mga operatiba ng Station Drug Enforcement Unit kasama ang Police Sub-Station 4 ng naturang istasyon.
Nakumpiska kay Bayaoa ang anim na heat-sealed transparent plastic sachet na naglalaman ng hinihinalang shabu na may bigat na 95 gramo at tinatayang nagkakahalaga ng Php646,000, isang Php1000 na buy-bust money at Php6,000 na ginamit bilang boodle money.
Mahaharap si Bayaoa sa kasong paglabag sa Seksyon 5 at 11, Art. II ng R.A. 9165 o Comprehensive Dangerous Drugs Act of 2002.
Pinuri naman ni PCol Sebastian ang mga bumubuo ng nasabing team sa kanilang operasyon at sa pagkakahuli sa nasabing suspek. Dahil dito, bibigyan niya ng parangal ang mga ito bilang pagkilala sa kanilang natatanging serbisyo at upang kanilang ipagpatuloy ang kanilang nasimulang trabaho.
Source: SPD PIO
###
Panulat ni PSSg Remelin M Gargantos
