Malvar, Batangas – Arestado ang isang suspek na may kasong Murder sa manhunt operation ng Malvar PNP nito lamang Miyerkules, Hunyo 8, 2022.
Kinilala ni Police Colonel Glicerio Cansilao, Provincial Director ng Batangas Police Provincial Office, ang suspek na si Edsel Millave y Tapay, 41, residente ng Brgy. Poblacion, Malvar, Batangas.
Ayon kay PCol Cansilao, bandang 12:02 ng tanghali naaresto si Millave sa Brgy. Bagong Pook, Malvar, Batangas ng pinagsamang pwersa ng mga operatiba ng Malvar Municipal Police Station at mga miyembro ng 3rd Maneuver Platoon, Batangas Provincial Mobile Force Company.
Ayon pa kay PCol Cansilao, naaresto si Millave sa bisa ng Warrant of Arrest sa kasong Murder sa ilalim ng CriminalCase No. 22-03-324 at walang inirekomomendang piyansa.
“Hindi tumitigil ang kapulisan sa pagtugis sa mga wanted sa batas. Ano man pong mahahalagang impormasyon tungkol sa mga taong ayaw pagbayaran ang kanyang kasalanan sa tao at sa batas ay ipagbigay-alam lamang ninyo sa mga awtoridad”, pahayag ni PBGen Yarra.
Source: Batangas PPO PIO/Malvar Municipal Police Station
###
Panulat ni Police Executive Master Sergeant Elvis Arellano
