Caloocan City — Tinatayang Php714,000 halaga ng shabu ang nasabat sa tatlong suspek sa buy-bust operation ng PNP at PDEA nitong Huwebes ng gabi, June 9, 2022.
Kinilala ni Northern Police District Director, Police Brigadier General Ulysses Cruz, ang mga suspek na pawang residente ng Brgy. 8, Caloocan City na sina Albert Bauso y Olino alyas “Bert” (HVI), single, 35, construction worker; Irene Bacar y Asne alyas “Irene” (HVI), single, 41, walang trabaho; at Ricardo Leoncio Jr y Esteban (Listed) alyas “Obet”, 48, single, at wala ring trabaho.
Ayon kay PBGen Cruz, dakong alas-10:00 ng gabi naaresto ang suspek sa Blk 56, Lot 13, Phase 3, F2, Sabalo St. Brgy. 8, Caloocan City ng pinagsanib pwersa ng DDEU-NPD at PDEA.
Ayon pa kay PBGen Cruz, nakumpiska sa tatlo ang dalawang pirasong medium size heat sealed transparent plastic sachet at knot tied plastic bag na pawang naglalaman ng hinihinalang shabu na humigit-kumulang 105 gramo; isang tunay na limang daang piso na nakalakip sa lima pang Php1000 boodle money na ginamit sa buy-bust; at isang black sling bag.
Sinampahan na ng paglabag sa Republic Act 9165 o Comprehensive Dangerous Drugs Act of 2002 ang tatlo.
Dahil sa sunod-sunod na operasyon ng Northern Police District kontra ilegal na droga, naniniwala si PBGen Cruz na epektibo ang ginagawa nilang aksyon at estratehiya na dahilan upang marami pang pusher at ipinagbabawal na gamot ang makumpiska ng kanyang hanay.
Source: NPD
###
PCpl Jhoanna Marie Najera-Delos Santos
