Samar – Arestado ng Eastern Samar PNP ang Top 10 Most Wanted Person (Municipal Level) para sa paglabag sa Art. 365 RPC sa Brgy San Roque, Salcedo, Eastern Samar noong Martes, Hunyo 7, 2022.
Kinilala ni Police Colonel Zacarias Villegas, Regional Chief ng CIDG Regional Field Unit 8 ang naaresto na si Jeffrey Macapanas Sumook alyas “Ega”, 31, single, walang trabaho, residente ng Brgy. Burak, Salcedo, Eastern Samar.
Ayon kay PCol Villegas, napag-alaman din ng mga operatiba na si alyas “Ega” ay isa ring miyembro ng “Borac Group” na sangkot sa gun for hire at robbery extortion activities sa probinsya ng Eastern Samar.
Ayon pa kay PCol Villegas, bandang alas 9:00 ng umaga naaresto ang suspek sa bisa ng Warrant of Arrest sa pinagsanib pwersa ng Criminal Investigation and Detection Group-Eastern Samar Provincial Field Unit sa pangunguna ni Police Major Orlando Silla, mga tauhan ng Provincial Intelligence Unit – Eastern Samar PPO at Salcedo Municipal Police Station na may Php36,000 piyansa para sa kanyang pansamantalang kalayaan.
Ang naaresto ay nahaharap sa kasong Reckless Imprudence Resulting in Homicide ng Article 365 RPC.
Ang tagumpay na pagkakahuli kay alyas “Ega” ay isang patunay lamang na ang Eastern Samar PNP ay ginagawa ang lahat ng kanilang makakaya upang mahuli ang mga taong may pananagutan sa batas.
###
Panulat ni Patrolwoman Rialyn B Valdez
