Caloocan City — Tinatayang Php340,000 halaga ng shabu ang nakumpiska sa isang drug suspek sa buy-bust operation ng Caloocan City Police Station nito lamang Huwebes, Hunyo 9, 2022.
Kinilala ni Northern Police District Director, Police Brigadier General Ulysses Cruz, ang suspek na si Renato Potenciano De Guzman, 45.
Ayon kay PBGen Cruz, naaresto si De Guzman bandang 3:15 ng madaling araw sa Camarin Road, Brgy. 175, Caloocan City ng mga operatiba ng OCOP-DEU, CCPS at 6th MFC, RMFB-NCRPO.
Nakumpiska kay De Guzman ang dalawang medium size heat-sealed transparent plastic sachet na naglalaman ng hinihinalang shabu na tumitimbang ng 50 gramo na nagkakahalaga ng Php340,000, at ang buy-bust money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang pagkakadakip sa suspek ay naging madali dahil sa pakikipagtulungan ng mamamayan sa PNP kung kaya lalo pang paiigtingin ng kapulisan ang pagpapatupad ng batas upang mapanatiling mapayapa at ligtas ang nasasakupan ng NPD.
Source: NPD PIO
###
Panulat ni PSSg Remelin M Gargantos
