Balamban, Cebu – Nagsagawa ng Tree Planting Activity ang kapulisan ng Balamban Police Station kaugnay sa Kick-Off Ceremony for the Environment Month 2022 sa Brgy. Sunog, Balamban, Cebu nito lamang Miyerkules, Hunyo 8, 2022.
Ang nasabing aktibidad ay inisyatibo ng mga tauhan ng Balamban Police Station na masugid na sinuportahan at pinangunahan ni Police Major Reyco R Romaguera, Acting Chief of Police, nilahukan ng mga PENRO7, DENR7 at iba pang ahensya ng pamahalaan.
Ayon kay Police Major Romaguera, bandang 7:00 ng umaga sinimulan ang Tree Planting at tinatayang nasa kabuuang 1,000 piraso ng seedlings ang naitanim sa nasabing lugar.
Ayon pa kay Police Major Romaguera, ito ay alinsunod sa Core Values ng PNP, ang “Makakalikasan” na naglalayong ipagtanggol at muling maibalik ang maayos at ganda ng ating mga likas na yaman.
Hinihikayat ng Balamban PNP ang mga residente ng nasabing lugar na makiisa at makilahok sa mga programa ng Pambansang Pulisya lalo na sa pangangalaga ng ating kalikasan upang maiwasan ang pagbaha o landslide.
###
Panulat ni Jenilyn C Consul
