Bongabong, Oriental Mindoro – Sugatan ang apat na pulis sa engkuwentro sa pagitan ng CTG at PNP sa Bongabong, Oriental Mindoro nito lamang Miyerkules, Hunyo 8, 2022.
Nagresulta ang bakbakan sa pagkasugat ng mga operating troops na kinilala na sina PMSg Arturo Coloma Jr, PCpl Virgilio Corpuz Jr., Pat Nicko Julius Dollosa, at Pat Alfred John Detablan.
Ayon sa ulat, naganap ang engkwentro bandang 1:22 ng madaling araw habang nagsasagawa ng combat operation ang 10th Special Action Battalion, kasama ang 403rd Maneuver Coy, Regional Mobile Force Battalion MIMAROPA nang makasalubong nila ang hindi matukoy na bilang ng mga miyembro ng CTG sa Brgy. Sta Cruz, Bongabong, Oriental Mindoro.
Nagkaroon ng palitan ng putok na tumagal ng humigit-kumulang 40 minuto.
Dinala naman ang mga nasugatang pulis sa Renato Umali Reyes Hospital, Bongabong, Oriental Mindoro.
Samantala, ang PNP at AFP ay inalerto na at naghahanda sa lugar para sa posibleng hot pursuit operation.
###
Panulat ni Patrolman Erwin Calaus
