Abulug, Cagayan – Nagsagawa ng Community Outreach Program ang Abulug PNP sa San Julian Elementary School, Barangay San Juan, Abulug, Cagayan noong Hunyo 6, 2022.
Ayon kay Police Major Ignacio Dinuling Jr, Hepe ng Abulug Police Station, nakita nila ang kalagayan ng mga mag-aaral sa nasabing paaralan kung kaya’t nagpursige silang gumawa ng paraan upang makapagpaabot ng tulong.
Niregaluhan nila ang 104 mag-aaral ng school supplies at mga pagkain.
Nagsagawa ng parlor games na nakadagdag saya sa mga bata.
Samantala, nagkaroon din ng Kasimbayan o ang pag-aaral sa salita ng Diyos na pinangunahan ni Pastor Rodolfo Rarangon Jr.
Katuwang sa aktibidad ang My Brother’s Keeper Life Coaches na pinangunahan ni Pastor Mark Joseph Arimas, Abulug Municipal Social Welfare Development Office, mga guro at mga opisyales ng barangay.
Patuloy ang pagtutulungan ng PNP, lahat ng mga ahensya ng mga pamahalaan at mga stakeholders para makapaghatid ng pangunahing serbisyo lalo na sa mga nangangailangan.
Source: Abulug Police Station
###
Panulat ni Police Corporal Carla Mae P Canapi
