Cabangan, Zambales – Nagsagawa ng Duterte Legacy Caravan ang Cabangan PNP sa Sitio Baculi, Barangay Cadmang, Cabangan, Zambales nito lamang Lunes, Hunyo 6, 2022.
Ang aktibidad ay pinangunahan ni Police Lieutenant Anthony Soria, Officer-in-Charge ng Cabangan Municipal Police Station ng Zambales Police Provincial Office kasama ang iba’t ibang sangay ng lokal na ahensya ng nasabing bayan.
Ayon kay PLt Soria, labis ang pasasalamat ng mga mahigit kumulang 60 na benepisyaryo sa natanggap nilang damit, bigas, at libreng pagkain.
Dagdag pa ni PLt Soria, ang Cabangan PNP ay nagbigay kaalaman patungkol sa Executive Order No. 70 National Task Force End of Local Communist Armed Conflict, Women and Children Protection Desk at pangangampanya laban sa ilegal na droga.
Ang pamahalaan sa pangunguna ng PNP ay patuloy sa pagbibigay ng pangunahing serbisyo sa mga mamamayan lalo na sa mga liblib o malalayong lugar.
Hinihikayat din ang mga mamamayan na patuloy na suportahan at makiisa sa mga programa ng pamahalaan at PNP lalo na ang kampanya laban sa ilegal na droga at insurhensya.
###
Panulat ni PCpl Jeselle V Rivera
