Candelaria, Quezon – Tinatayang Php360,000 halaga ng marijuana ang nakumpiska sa dalawang suspek sa buy-bust operation ng Candelaria PNP nito lamang Martes, June 7, 2022.
Kinilala ni Police Colonel Joel Villanueva, Provincial Director ng Quezon Police Provincial Office, ang mga suspek na sina Yoshi Nikko Hernandez Takahashi, 32 at residente ng Sitio Centro, Brgy. Paiisa, Tiaong, Quezon at si Joana Mariel Gozo Manilay, 19 at residente ng Magsaysay Street, City Subdivision, Brgy. 1B, San Pablo City, Laguna.
Ayon kay PCol Villanueva, bandang 5:00 ng umaga naaresto ang mga suspek sa Purok 4, Brgy. Malabanban Sur, Candelaria, Quezon ng mga operatiba ng Candelaria Municipal Police Station.
Ayon pa kay PCol Villanueva, nakumpiska sa mga suspek ang isang piraso ng rolled plastic tape na naglalaman ng hinihinalang marijuana na may tinatayang bigat na 1000 gramo na nagkakahalaga ng Php360,000, isang piraso ng Php1,000 bill; boodle money; isang unit ng red iphone 12; at isang unit of Grey Honda Jazz.
Ang mga suspek ay nahaharap sa kasong paglabag sa R.A. 9165 (Comprehensive Dangerous Drugs Act of 2002).
“Ako ay lubos na natutuwa sa tiyaga na ipinapakita ng ating mga pulis sa pagpapatupad ng ating mandato. Ipinapangako namin ang aming patuloy na pagpapaigting ng Anti-Criminality at Law Enforcement Campaign para sa mas ligtas na probinsya ng Quezon,” ani PCol Villanueva.
Source: Quezon PPO PIO
###
Panulat ni Police Executive Master Sergeant Elvis Arellano
