Candelaria, Quezon – Arestado ang Top 5 Most Wanted Person (Regional Level) sa kasong Murder sa isinagawang operasyon ng Quezon PNP nitong Linggo, Hunyo 5, 2022.
Kinilala ni Police Colonel Joel Villanueva, Provincial Director ng Quezon Police Provincial Office, ang naarestong suspek na si Edmon Malaluan De Chavez, 39, residente ng Brgy. San Andres, Candelaria, Quezon.
Ayon kay PCol Villanueva, bandang 6:30 ng gabi naaresto ang suspek sa Sitio Ilaya, Brgy. San Andres, Candelaria, Quezon ng mga operatiba ng Candelaria Municipal Police Station, Quezon Provincial Intelligence Unit, RIT-Quezon, Regional Intelligence Division 4A at Regional Special Operation Unit 4A.
Ayon pa kay PCol Villanueva, naaresto si De Chavez sa bisa ng Warrant of Arrest sa kasong Murder na walang nirekomendang piyansa.
Ang tagumpay ng Quezon PNP ay bunga ng pinaigting at aktibong pakikipag-ugnayan sa pamayanan sa pamamagitan ng Community Mobilization Program (CMP).
Ang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas at maayos ang komunidad.
Soure: Quezon Police Provincial Office-PIO
###
Panulat ni Patrolman Mark Lawrence Atencio
