Camp Sergio Osme̱a, Cebu РKasabay ng papalapit na pagdiriwang ng ika-124 na Araw ng Kalayaan, tagumpay na isinagawa ng Police Regional Office 7 ang PNP Heritage Tour and Video Competition na ginanap nito lamang umaga ng Martes, ika-7 ng Hunyo 2022 sa Conference Room ng PRO 7.
Ang naturang patimpalak ay pinangunahan ng Acting Deputy Chief ng Regional Community Affairs and Development Unit, Police Lieutenant Colonel Regie Real na direktang pinangasiwaan ni Police Brigadier General Roque Eduardo Vega, Regional Director.
Ang nasabing programa ay pinasinayaan din ng Deputy Regional Director for Administration, Police Colonel Hector G Maestral; Deputy Regional Director for Operation, Police Colonel Noel Flores; at Chief Regional Staff, Police Colonel Aladdin Collado, na kabilang sa mga naging lupon nang programa.
Sa nasabing kompetisyon ay ibinida ng mga kalahok ang magagandang tanawin at ang mayaman na kultura mula sa kani-kanilang nasasakupan na naging bahagi sa pagkakaroon ng magandang kasaysayan ng rehiyon maging ng ating bansa.
Mula sa pitong kalahok na kinabibilangan ng Bohol PPO, Cebu PPO, NegOr PPO, Cebu CPO, Mandaue CPO, Lapu-Lapu CPO, at RMFB 7, itinanghal na Grand Winner ang Regional Mobile Force Battalion 7 na nakakuha ng kabuuang puntos na 95.25%, 1st Runner Up ang Lapu-Lapu PPO na may puntos na 87.8% at nakuha naman ng Bohol PPO ang 2nd Runner Up sa iskor na 81.7%.
Pinuri naman ni Police Brigadier General Vega, ang mga nanalo maging ang lahat na naging bahagi ng naturang programa dahil sa maayos at matagumpay na gawain.
Ang nanalo sa nasabing programa ang magiging kinatawan ng naturang rehiyon sa parehong kompetisyon sa pambansang antas.
###
