Zamboanga City – Tinatayang nasa Php800,000 halaga ng smuggled cigarettes ang nasabat ng Zamboanga PNP nito lamang Martes, Hunyo 7, 2022.
Kinilala ni Police Brigadier General Franco Simborio, Regional Director ng Police Regional Office 9, ang suspek na si Datu Jammal-Ruddin Musa Kiram, 32.
Ayon kay PBGen Simborio, bandang 10:30 ng umaga nang maaresto ang suspek sa Baliwasan Seaside, Zamboanga City ng mga operatiba ng Regional Special Operation Unit 9, Bureau of Customs, CIIS at ESS.
Ayon pa kay PBGen Simborio, nasabat sa suspek ang 25 cases ng smuggled cigarettes na may tinatayang halaga na Php800,000 at isang Toyota FX kulay blue na may Plate No. ULJ 548.
Nahaharap ang suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay patuloy ang kampanya laban sa mga gustong magpuslit ng mga smuggled cigarettes. Ito ang resulta sa mas mahigpit na pagpapatupad ng batas sa lahat ng entry at exit point sa ating bansa dahil sa kooperasyon ng mga mamamayan na kaagapay sa pagpapanatili ng kaayusan at katahimikan ng ating pamayanan.
###
Panulat ni Police Staff Sergeant Grace Neville Ortiz
