Lubuagan, Kalinga – Tinatayang Php480,000 halaga ng marijuana ang nakumpiska sa tatlong suspek sa PNP checkpoint nito lamang Lunes, Hunyo 6, 2022.
Kinilala ni Police Colonel Peter Tagtag Jr., Provincial Director, Kalinga Police Provincial Office ang mga naarestong suspek na sina Andrian De Guzman, residente ng Novaliches, Quezon City; Hesus Sandino Laygo, residente ng Subic, Zambales at Dawn Marie Agudo, residente naman ng Masbate Province.
Ayon kay PCol Tagtag Jr., naaresto ang mga suspek sa Dinakan, Lubuagan, Kalinga ng pinagsamang operatiba sa pangunguna ng Kalinga PNP kasama ang Regional Intelligence Division, Regional Anti-Cyber Crime Unit at Criminal Investigation and Detection Group.
Ayon pa kay PCol Tagtag Jr., nagsagawa ang mga nasabing operatiba ng checkpoint operation matapos silang makatanggap ng impormasyon hinggil sa di umano ay ibibiyaheng marijuana ng mga suspek mula sa Tinglayan, Kalinga papunta sa Tabuk City, Kalinga gamit ang isang Chevrolet Sedan na sasakyan.
Dagdag pa niya, nakumpiska mula sa mga suspek ang apat na piraso ng tubular dried marijuana leaves at stalks na may bigat na 4,000 gramo at tinatayang nagkakahalaga ng Php480,000.
Ang mga suspek ay nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Ang matagumpay na operasyon na ito ay bunga ng pagpupursigi ng Kalinga PNP na pigilan ang paglabas pasok ng ilegal na droga sa rehiyon Cordillera at mapanagot ang mga taong sangkot dito nang sa ganun ay mailayo ang komunidad lalo na ang mga kabataan sa perwisyong dulot nito.
###
Panulat ni PCpl Melody Pineda
