Bontoc, Mountain Province – Nagsagawa ng Medical at Dental Mission ang Mountain Province PNP sa Camp Geronimo F Montes, Bontoc, Mountain Province nito lamang Linggo, Hunyo 5, 2022.
Ang aktibidad ay pinangunahan ni Police Colonel Ruben Andiso, Provincial Director, Mountain Province Police Provincial Office katuwang ang Bikers, MD, Philippine College of Emergency Medicine, One Pharma, Provincial Medical and Dental Unit-Mountain Province at Andiso Dental Clinic.
Ayon kay PCol Andiso, umabot sa 151 na indibidwal mula sa iba’t ibang munisipalidad ng Mountain Province ang kanilang naging benepisyaryo sa libreng medical check-up, tooth extraction, dental fluoride varnishing at libreng tuli.
Patuloy naman ang pakikipag-ugnayan at pakikipagtulungan ng Mountain Province PNP sa iba’t ibang stakeholders at Advocacy Support Group upang makapagbigay ng libreng serbisyong medical at dental at makapagbigay ng tulong sa mga mamamayan ng Mountain Province na lubos na nangangailangan.
Source: PNPMtprovince Pio
###
Panulat ni Patrolman Joven Erick Silawan
