Sanchez Mira, Cagayan – Nagsagawa ng Community Outreach Program ang Sanchez Mira PNP sa Barangay Callungan, Sanchez Mira, Cagayan noong Hunyo 5, 2022.
Ang aktibidad ay pinangunahan ni Police Major Osmundo Mamanao, Chief of Police ng Sanchez Mira Police Station.
Tinatayang 30 Indigenous People ang nakatanggap ng bigas, mga damit at bitamina.
Nagsagawa din ng libreng Blood Pressure monitoring ang mga tauhan ng Regional Medical and Dental Unit 2, Cagayan Police Provincial.
Samantala, nagbigay din ng kaalaman tungkol sa COVID-19 protocols at anti-dengue safety tips.
Naging katuwang ng Sanchez Mira PNP ang mga aktibong miyembro ng Advocacy Support Groups at Force Multipliers, Religious Sector, at mga Kabataan Kontra Droga at Terorismo (KKDAT).
Labis ang tuwa at pasasalamat ng mga IPs sa inihandog ng PNP sa kanila.
Layunin nitong ipadama ang pagmamahal at bukas-palad na pagtulong sa mga mahihirap na pamilya at mga labis na naapektuhan ng pandemya.
Source: Sanchez Mira Police Station
###
Panulat ni Police Corporal Carla Mae P Canapi
