Dupax del Sur, Nueva Vizcaya – Namigay ng mga gulay at prutas ang Dupax del Sur PNP sa mga residente ng Barangay Mangayang, Dupax del Sur, Nueva Vizcaya nito lamang Linggo, Hunyo 5, 2022.
Ang aktibidad ay pinamunuan ni Police Lieutenant Joseph Nieto, Officer-in-Charge ng Dupax del Sur Police Station, Nueva Vizcaya Police Provincial Office katuwang ang mga aktibong miyembro ng Kabataan Kontra Droga at Terorismo (KKDAT).
Pinilahan ng humigit kumulang 35 na residente sa nabanggit na barangay ang mga ipinamahaging mga gulay at prutas ng PNP.
Ito ay alinsunod sa Executive order No. 70 o End Local Communist Armed conflict (ELCAC) na naglalayong mabigyan ng pangunahing serbisyo ang mga mamamayan na lubos na apektado ng pandemya at palakasin ang ugnayan ng PNP at komunidad.
Source: Dupax del Sur Police Station
###
Panulat ni Police Corporal Carla Mae P Canapi
