Tubigon, Bohol – Nagsagawa ng Community Outreach Program ang mga miyembro ng Bohol Maritime Police Station sa Brgy. Bilang-Bilangan Island, Tubigon nito lamang Biyernes, Mayo 3, 2022.
Ang nasabing aktibidad ay pinangunahan ni Police Lieutenant Lucio Vergara Jr, Station Chief, Bohol Maritime Police Station katuwang ang mga tauhan ng EOD-K9 Bohol, Barangay Officials ng Bilang-Bilangan Island, at Yellow Boat of Hope Foundation.
Ayon kay Police Lieutenant Vergara, tinatayang nasa mahigit 100 na sambahayan ang naging benepisyaryo ng naturang programa at ang bawat isa ay tumanggap ng balde-baldeng relief goods at isang sako ng bigas.
Taos puso namang ipinaabot ni Police Lieutenant Vergara ang kanyang pasasalamat sa mga tumulong sa matagumpay na gawain lalo na kay Ms. Dalareich P. Polot, ang may-ari ng Bohol Chocolate House at sa pakikipagtulungan ng Yellow Boat of Hope Foundation.
Hangad ng PNP na matulungan ang ating mga kababayan na maiangat at masuportahan ang mga ito mula sa antas ng pamumuhay na kanilang kinatatayuan.
###
