Bacolod City – Arestado ang isang High Value Individual kasama ang dalawa pang mga suspek sa isinagawang drug buy-bust operation ng PNP nitong Hunyo 3, 2022.
Kinilala ni Police Brigadier General Randy Q Peralta, Director, Philippine National Police Drug Enforcement Group, ang mga suspek na sina James Patrick Milliam De Asis alyas Soysoy, High Value Individual, 33, walang asawa, resident ng Brgy. Calumanggan, Bago City, Negros Occidental; Neft Nolie Pedrajas alyas Bigboy, 34, walang asawa, residente ng Brgy. Ginez Lambunao, Sarah, Iloilo; at si Kim Sinining Alipin alyas Kim, 37, walang asawa, residente ng Brgy. Balintawak, Escalante City, Negros Occidental.
Ayon kay PBGen Peralta, bandang 7:24 ng gabi nahuli ang mga suspek sa Purok Lubi, Brgy. 3, Bacolod City, Negros Occidental sa pinagsanib na operatiba ng Special Operation Unit 6 kasama ang Station Drug Enforcement Team ng Bacolod City Police Station 2.
Ayon pa kay PBGen Peralta, nakumpiska sa mga suspek ang mahigit kumulang 55 grams ng hinihinalang Methamphetamine Hydrochloride o shabu na may tinatayang Standard Drug Price (SDP) na Php374,000; isang piraso ng Five Hundred Peso bill na may serial no. na RR516551; 12 piraso ng One Thousand Peso bill na boodle money at iba pang mga drug paraphernalia.
Ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Pinuri naman ni PBGen Peralta ang mga operatiba sa matagumpay na operasyon sa rehiyon at tiniyak ang publiko na patuloy pa nitong paiigtingin ang mga kampanya laban sa ilegal na droga hindi lang sa kanlurang Visayas pati na rin sa lahat ng rehiyon sa buong bansa.
###
