Davao City – Nagsagawa ng turn-over ceremony ang Revitalized-Pulis sa Barangay para sa konkretong water tub at outreach program sa Sitio Barobo, Brgy. Gumitan, Marilog District, Davao City nito lamang Hunyo 1, 2022.
Ang Quick Impact Project (QIP) na “Patubig” at Outreach program ay resulta ng need assessment survey ng R-PSB Team Marilog Sub Cluster 2 kasama ang mga mababait na stakeholders na sina G. Edgar Te at Gng. Mary Joy Lania.
Hindi naman binigo ng R-PSB Team sa pangunguna ni Pat. Jamel Entero at sa pangangasiwa ni PLt Bernard Blair Capitan at ng mga stakeholders ang mga residente sa nasabing sitio.
Kaya naman, nagpaabot ng taos-pusong pasasalamat ang mga residente ng nasabing lugar sa pamamagitan ni Datu Danilo Lacia, Lider ng Sitio sa mga pagsisikap na ginawa ng R-PSB Team Marilog Sub Cluster 2 na nagpalakas naman ng kanilang tiwala at kumpiyansa sa PNP at sa gobyerno.
Walang ibang hangad ang ating pamahalaan sa tulong ng PNP kundi ang maghatid ng malaking kaginhawaan sa bawat IP Community lalong lalo na sa mga residente na naninirahan sa Geographically Isolated and Disadvantaged Areas (GIDAs).
###
Panulat ni Patrolwoman Rose Ann Delmita
