Nueva Era, Ilocos Norte – Arestado ng mga tauhan ng Nueva Era Municipal Police Station ang Top 3 at Top 4 Most Wanted Person ng Provincial Level sa kasong Rape in relation to RA 7610 nito lamang Miyerkules, Hunyo 1, 2022.
Kinilala ni Police Lieutenant Tolentino Erum Jr., Officer-in-Charge ng Nueva Era MPS ang magkapatid na suspek na sina Rolly Dacanay y Jornacion, 40, residente ng Brgy. Rizal, Tubao, La Union at Avelino Dacanay y Jornacio, 34, residente ng Brgy. 16 Salsalamagi, Vintar, Ilocos Norte.
Ayon kay PLt Erum, bandang 10:50 ng umaga nang maaresto ang mga suspek sa Brgy. 23, San Matias, Laoag City ng mga tauhan ng Nueva Era MPS kasama ang Laoag City Police Station, Provincial Intelligence Unit, Ilocos Norte Police Provincial Office, at Banna 101st Regional Mobile Force Battalion Bomitog sa kasong Rape in relation to RA 7610 na walang nirekomendang piyansa.
Patuloy naman ang pagtugis ng PNP sa mga may pananagutan sa batas upang mabigyan ng hustisya ang mga mamamayang naaagrabyado at upang mapanatiling ligtas, tahimik, at maayos ang bawat komunidad.
Source: Nueva Era MPS
###
Panulat ni PSSg Marvin Jake Romero/Patrolman Dennis P Carinal
