San Mariano, Isabela – Sumailalim ang 30 dating miyembro ng Communist Terrorist Group sa isang Entrepreneur and Marketing Training and Workshop na ginanap sa Sitio Caunayan, Brgy. Old San Mariano, San Mariano, Isabela na natapos nito lamang Miyerkules, Hunyo 1, 2022.
Ayon kay Police Lieutenant Colonel Jeffrey Raposas, Force Commander ng 1st Isabela Provincial Mobile Force Company, napili nilang maging benepisyaryo sa proyektong ito ang mga dating rebelde ng 1st PMFC SUBLI Caunayan Association.
Pinangunahan ni Ms. Mary Rose M. Dumpit ng Department of Trade and Industry-Isabela ang pagsasagawa ng Entrepreneur and Marketing Training and Workshop sa mga kalahok.
Parte ang aktibidad ng Livelihood Program para sa mga dating rebelde upang matulungan silang maiangat ang antas ng kanilang kabuhayan.
Kasabay ng nasabing aktibidad ay nagsagawa na din ng Community Outreach Program kung saan namigay sila ng food packs, grocery items, at mga damit sa mga residente ng nasabing sitio.
Samantala, siniguro naman ni PLtCol Raposas na hindi titigil ang kanilang hanay na magsagawa ng mga aktibidad upang maipadama sa mga dating rebelde at sa mga mamamayan ang tulong at kalinga ng PNP at ng pamahalaan.
Source: 1st Isabela Provincial Mobile Force Company
###
Panulat ni Police Staff Sergeant Mary Joy D Reyes
