Koronadal City – To the rescue ang mga tauhan ng South Cotabato 1st Provincial Mobile Force Company sa isang babaeng nahulugan ng speaker sa ulo sa terminal ng bus sa Koronadal City nitong Miyerkules, Hunyo 1, 2022.
Ayon kay PSSg Richie Barrometro, habang sila ay nagpapatrolya, namataan nila ang nagkukumpulang tao. Agad nila itong nilapitan at nakita ang isang duguang babae na tinamaan sa ulo ng nahulog na speaker sanhi ng malakas na hangin na dulot ng ulan.
Dahil dito ay hindi nagdalawang-isip na tulungan ng nasabing kapulisan ang biktima. Agad namang nilapatan ng pangunang lunas ang babae at dinala sa pinakamalapit na ospital upang mas mabigyan ng kaukulang atensyong medikal.
Patunay na ang PNP ay walang pinipiling oras sa pagtulong at paglilingkod sa publiko anumang pagkakataon.
Source: @South Cotabato Provincial Mobile Force Company
###
Panulat ni Patrolwoman Vanessa Gomez
