Guinsiliban, Camiguin – Isinagawa ang Mini Caravan ng PNP katuwang ang Presidential Commission for the Urban Poor na may temang “Pinagsama-samang Serbisyo Para sa Tao” sa Cabuan, Guinsiliban, Camiguin nito lamang 9:00 ng umaga ng Martes, ika-31 ng Mayo 2022.
Ito ay pinangunahan ni Police Colonel Elias Hampac, Officer-in-Charge, Camiguin Police Provincial Office at Presidential Commission for the Urban Poor o PCUP katuwang ang iba’t ibang ahensya ng gobyerno tulad ng Provincial Health Office, Department of Health, Armed Forces of the Philippines, Philippine Coastguard, National Bureau of Investigation, Public Attorney`s Office, Department of Labor and Employment, Philippines Statistics Authority, Municipal Civil Registrar, Municipal Social Welfare and Development, Social Housing Finance Corporation, Department of Agriculture, Social Security System, Philhealth, Overseas Workers Welfare Agency, Bureau of Fisheries and Aquatic Resources at mga opisyales ng Barangay Cabuan.
Ang mga nasabing ahensya ng gobyerno ay inihatid ang mga serbisyong maiaalok ng kanilang opisina tulad ng libreng bakuna laban sa COVID-19 ng PHO, libreng konsultasyon at medisina ng DOH, Operation Tuli ng AFP, Dental Mission ng Coast Guard, Clearance mula sa NBI, libreng legal advice ng PAO, mga inpormasyon tungkol sa mga pwedeng trabaho mula sa DOLE, libreng pag-asikaso ng mga Birth Certificate at Marriage Certificate ng PSA, libreng buto at pananim ng DAR.
Nagkaroon din ng libreng gupit ang Camiguin PNP at pamimigay ng 60 food packs at feeding program ng Guinsiliban Municipal Police Station at pag-isyu ng National Police Clearance ng Mambajao Municipal Police Station.
Tinatayang nasa 523 ang naging benepisyaryo ng naturang aktibidad.
Ang layunin ng programa ay maihatid ang serbisyo sa komunidad na nakatira sa mga liblib na lugar at ihatid ang serbisyo publiko ng iba’t ibang ahensya ng gobyerno.
###
Panulat ni Patrolman Joshua Fajardo/RPCADU 10
