Caluya, Antique – Naglunsad ang mga tauhan ng Caluya Municipal Police Station ng Coastal Clean-up at Mangrove Planting sa Barangay Alegria, sa bayan ng Caluya, Antique nitong Hunyo 1, 2022.
Ang aktibidad ay pinangunahan ni Police Major Rex Farren, Officer-in-Charge ng Caluya Municipal Police Station bilang bahagi ng Oplan Bantay Kalikasan na programa ng naturang istasyon.
Ito ay alinsunod sa core values ng Philippine National Police na pagiging Makakalikasan na may layuning mapangalagaan ang ating kalikasan at panatilihin itong masigla at ligtas sa mga gawaing ikakasira nito ng tuluyan.
Kabilang din sa isinagawa ang Signing ng Memorandum of Agreement sa pagitan ng mga Barangay Officials ng Barangay Alegria sa pamumuno ni Brgy. Captain Modesta Pionelo, at ng Municipal Environment and Natural Resources Office ng Caluya upang tiyaking maging responsable ang bawat isa sa pangangalaga ng mga lugar na nataniman ng mga mangrove trees maging sa kalapit nitong mga dalampasigan.
Samantala, nakiisa rin sa nasabing aktibidad ang mga kasapi ng Faith-Based Advocacy Support Groups sa pangunguna ni Pastor Nathaniel Capague na tumulong din maglinis at magtanim ng mga puno.
Tiniyak naman ni Police Major Farren na ang buong Caluya MPS ay kaisa sa lahat ng mga residente sa bayan ng Caluya sa pangangalaga sa mga baybayin at dalampasigan nito at sa pagpapanatili ng kaayusan at kapayapaan ng kanilang lokalidad.
###
