Northern Samar – Nagsagawa ng community outreach program ang 803rd Maneuver Company, Regional Mobile Force Battalion 8 sa Brgy Chitongco, Mondragon, Northern Samar noong Miyerkules, Hunyo 1, 2022.
Pinangunahan ni Police Captain Wilson S Hilvano, Officer-in-Charge, 803rd MC, RMFB 8 ang nasabing programa.
Nasa mahigit 30 pamilya ang nakatanggap ng face mask, food packs na naglalaman ng bigas, canned goods at grocery items.
Nagkaroon din ng maikling diyalogo at lecture patungkol sa RA 7610, EO 70 at isinagawa din ang pamamahagi ng mga materyales ng IEC o babasahin.
Layunin ng nasabing aktibidad na maihatid ang mga pangunahing serbisyo ng pamahalaan sa mga miyembro ng grassroots community.
Ipagpapatuloy ng 803rd MC ang walang humpay na serbisyo sa mga mamamayang Pilipino at susuportahan ang mga programa ng gobyerno sa paghahatid ng mga pangunahin at mahahalagang serbisyo na makakatulong sa pagwawakas ng lokal na armadong labanan ng komunista at maglalapit sa mga tao sa gobyerno.
###
