Darapuay, Davao del Sur – Tinatayang mahigit Php400,000 halaga ng toolkits ang pinagkaloob sa 105 TESDA scholars sa tulong at inisiyatibo ng Revitalized-Pulis sa Barangay Darapuay sa Brgy. Darapuay, Bansalan, Davao del Sur nitong Martes, Mayo 31, 2022.
Sa inisyatibo ng R-PSB Darapuay sa pamumuno ni PLt Jergie Carumba, R-PSB Team Leader sa ilalim ng kanilang Quick Impact Project ay natanggap ng 105 na mga iskolar ang toolkits na mula sa Technical Education and Skills Development Authority (TESDA) at sa pakikipag-ugnayan kay Congresswoman Mercedes “Didi” Cagas.
Ang bawat benepisyaryo ng Special Training for Employment Program ay tumanggap ng tools para sa Bread Making na may measuring cup, measuring spoon, mixing bowl, digital weighing scale, at oven; para sa Pastry Making na may measuring cup, mixing bowl, at oven; para sa Cake Making na may measuring cup, mixing bowl, muffin pan, oven, wire whisk, at flour sifter; at para sa Bread and Pastry Production NC II na may spatula, measuring cup, piping bags, bread knife, muffin pan, chef’s knife 10″, flour sifter, mixing bowl, wire whisk, digital weighing scale, cheese grater, at oven na may kabuuang halaga na Php415,266.
Ito ay dinaluhan nina PLtCol Werenfredo Regidor Jr., Force Commander ng 2nd Davao Sur Provincial Mobile Force Company; Mr. Adrian James Luna, Customer Service Officer (TESDA Provincial Office); at Ms. Liezle Mahinay, President ng Bakery and Pastry Arts Institute, Inc.
Ang proyektong ito ng R-PSB ay alinsunod sa Executive Order No. EO 70 ni Pangulong Rodrigo Roa Duterte ang “Whole-of-Nation Approach” to End Local Communist Armed Conflict (ELCAC) na may layuning palakasin ang ugnayan sa pagitan ng PNP at mga komunidad sa pamamagitan ng pagbibigay at paglalapit sa kanila ng iba’t ibang serbisyo mula sa gobyerno at kapulisan.
###
Panulat ni PCpl Mary Metche A Moraera
