Lanao Del Sur – Tinatayang Php6,800,000 halaga ng shabu ang nasabat sa isang suspek sa isinagawang buy-bust operation ng PNP, PDEA at Marines sa Brgy. Cabasaran, Malabang, Lanao Del Sur nitong Hunyo 1, 2022.
Kinilala ni Police Brigadier General Arthur Cabalona, Regional Director, Police Regional Office Bangsamoro Autonomous Region, ang suspek na si Alraje Pagayawan, 27.
Ayon kay PBGen Cabalona, bandang alas-5:45 ng hapon naaresto ang suspek ng pinagsamang operatiba mula sa Special Operations Unit 10 PNP-Drug Enforcement Group, Marine Battalion Landing Team 2, Malabang Municipal Police Station at Philippine Drug Enforcement Agency-BARMM.
Ayon pa kay PBGen Cabalona, nakumpiska mula sa suspek ang hinihinalang shabu na may timbang na humigit kumulang isang kilo na tinatayang nagkakahalaga ng Php6,800,000 at perang ginamit bilang buy-bust money.
Nahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Samantala, patuloy na paiigtingin ng PNP ang kampanya laban sa ilegal na droga katuwang ang iba pang ahensya ng gobyerno upang mapanatili ang maayos at ligtas na komunidad.
###
Panulat ni Patrolman Charlie Nasroden Corpuz
