Mandurriao, Iloilo City – Nagsagawa ng feeding program ang Mandurriao PNP nito lamang Lunes, ika-30 ng Mayo 2022 sa Mandurriao sa lungsod ng Iloilo.
Ang nasabing aktibidad ay kasabay ng prosesyon ng Santacruzan at Flores de Mayo na naging kaagapay ang mga miyembro ng Lingkod Bayan Advocacy Support Group and Force Multipliers.
Namahagi sa mga kabataan at iba pang mga residente ng pook ang mga miyembro ng Police Community Relations Unit na pinangunahan ni Police Staff Sergeant Gerald Flores, Patrolman Neil Gumban, Pat May Ann Sabran at Pat Domar Gallardo ng Iloilo City Police Station 5 ng lugaw, juice, pandesal at sorbetes.
Kaagapay din sa naturang aktibidad ang mga miyembro ng Kabataan Kontra Droga at Terorismo (KKDAT) at volunteers na tulad ni Ginang Ruth Esclamado na sa kabutihang-loob ay nagpaabot ng pagkaing ipinamahagi sa mga residente.
Ayon kay Police Major Kenneth Jay Gratones na siyang Station Commander ng ICPS5, sisiguruhin ng lokal na himpilan ng pulisya ang kaayusan at seguridad sa mga lokal na pagdiriwang.
###
Panulat ni Patrolman Noel S Lopez
