ParaƱaque City ā Arestado ang dalawang suspek sa isinagawang buy-bust operation ng PNP na nagresulta sa pagkakasabat sa Php6,900,000 halaga ng shabu nito lamang Miyerkules, Hunyo 1, 2022.
Kinilala ni PBGen Randy Peralta, Director ng PNP Drug Enforcement Group ang mga suspek na sina Vicco Antonio Simbulan Rodriguez alyas “Bico”, 26, residente ng 9-A Acacia St., Monte Vista Subd., Industrial Valley, Marikina City at Janelle Catalan Pagayon alyas “Susan”, 24, residente ng 24 Pegasus St., Crestview Subd., Brgy. Cupang, Antipolo City.
Ayon kay PBGen Peralta, bandang 7:10 ng gabi nang naaresto ang mga suspek sa Amvel C5 Rd. Extention, Brgy. San Dionisio, ParaƱaque City ng mga operatiba ng Special Operations Unit 4A kasama ang Marine Battalion Landing Team 2, Malabang Municipal Police Station, at Philippine Drug Enforcement Agency BARMM.
Ayon pa kay PBGen Peralta, nakuha mula sa mga suspek ang mahigit kumulang isang kilo ng hinihinalang shabu na may tinatayang Standard Drug Price na Php6,900,000, isang black cellphone, iba’t ibang IDs na nakapangalan sa suspek na si Vicco Antonio Simbulan, at ang ginamit na buy-bust money.
Kasong paglabag sa RA 9165 o Comprehensive Dangerous Drugs Act of 2002 ang kakaharapin ng mga suspek.
Ang bawat matagumpay na operasyon ng PNP ay resulta lamang ng patuloy na pinaigting na kampanya nito kontra ilegal na droga sa tulong at suporta ng mamamayan.
###
Panulat ni PCpl Mary Metche A Moraera
