Indanan, Sulu – Tinatayang Php1,600,000 na halaga ng smuggled na sigarilyo ang nasabat ng PNP sa Coastal Vicinity ng Brgy. Kajatian, Indanan, Sulu noong Mayo 30, 2022.
Kinilala ni PMaj Edwin Sapa, Chief of Police ng Indanan Municipal Police Station ang suspek na si Dello Sabuil Hussain, 28, residente ng Brgy. Busbus, Jolo, Sulu.
Napadali ang pagkakahuli sa suspek dahil sa isinagawang operasyon ng pinagsanib na pwersa ng indanan MPS, Sulu Maritime Police Station at 1st PMFC, Sulu PPO.
Nakuha sa pagmamay-ari ng suspek ang 32 kahon ng smuggled na sigarilyo na tinatayang may Php1,600,000 na market value.
Ito ay alinsunod sa pinaiiral na pagbabawas ng ilegal na pagpupuslit sa lugar at striktong pagpapatupad ng Customs and Tariff Administration Law.
Kasalukuyang nasa pangangalaga ng Sulu MARPSTA ang suspek para sa imbentaryo at tamang disposisyon at inihanda na ang kasong paglabag sa R.A 10863 o “Customs Modernization and Tariff Act” kapag napatunayang nagkasala ang suspek.
###
Panulat ni Patrolman Mark Vincent Valencia
