Bacolod City – Naglunsad ang mga tauhan ng Bacolod City PNP ng Community Outreach Program sa Inasal ng Mingay, Mountain View Subd., Brgy. Mandalagan, Bacolod City nito lamang umaga ng Lunes ika-30 ng Mayo, 2022
Ang aktibidad ay inisyatibo ng Bacolod City Police Office sa pamumuno ni PCol Thomas Joseph I Martir, City Director na isinakatuparan ng City Community Affairs and Development Unit sa pangunguna ni PLtCol Sherlock Gabana.
Ang programa ay masigasig na nilahukan ng Bacolod Eagles Club, Globe Telecom, Occidental Negros (Host) Lions Club, Upsilon Phi Sigma, MDC-Morir Duro Clasico, KKPK (Katilingban, Ko Palangga Ko), Road Saver Rescue Team, Bacolod City Police Force Multipliers Federation (COPs Brigade, Crime Stopper, PGBI Guardians), Volunteer Doctors, Mr. Stanley Dequit ng IFM at iba pang pribadong sektor ng Bacolod City.
Ang nasabing kaganapan ay naghandog ng mga sumusunod na serbisyo, katulad ng medical mission, mga lectures, libreng gupit, pamamahagi ng 100 health kits, 150 food packs, 50 eyeglasses, at flyers.
Nagpapakain din sa mahigit 150 benepisyaryo ng Brgy. Mandalagan lalo na sa mga Senior Citizen at menor de edad.
Matagumpay na natapos ang kaganapan sa pakikipagtulungan at suporta ng lahat ng kalahok na ahensya.
###
