Tabuk City, Kalinga – Arestado ang tatlong High Value Individuals sa isinagawang buy-bust operation ng PNP-PDEA sa Purok 6, Bulanao, Tabuk City, Kalinga nito lamang Sabado, Mayo 28, 2022.
Kinilala ang mga suspek na sina Jocel Bayle Gunnawa, 43; Lino Bunas Gud-Ay, 50; at Crisma Albing Supusup, kapwa mga residente ng Brgy. Bulanao, Tabuk City, Kalinga.
Ayon kay Police Colonel Tagtag Jr., Provincial Director, Kalinga Police Provincial Office, naaresto ang mga suspek sa pinagsamang puwersa ng Kalinga PPO, PDEA Cagayan Provincial Drug Enforcement Unit at Cagayan Police Provincial Office.
Dagdag pa ni PCol Tagtag Jr., nakuha mula sa mga suspek ang apat na pakete ng hinihinalang shabu na may bigat na humigit kumulang 10 gramo na may tinatayang Standard Drug Value (SDV) na Php68,000 mga drug paraphernalia, mga supot ng nagamit ng shabu, apat na cellphone at buy-bust money na ginamit sa transaksyon.
Ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Patuloy naman ang pagpapaigting ng Kalinga PNP sa kampanya kontra ilegal na droga katuwang ang mga karatig PPO at PDEA upang puksain ang mga drug den at mahuli ang mga taong nasa likod nito.
Sources: https://www.facebook.com/100009991715687/posts/1755623844780656/
https://m.facebook.com/story.php?story_fbid=2245678665613475&id=617999951714696
###
Panulat ni PCpl Melody L Pineda
