Mahatao, Batanes – Nagkaisa ang mga residente ng Hañib Vidugan at mga tauhan ng Mahatao Police Station sa paggawa ng railings sa daan sa Mahatao, Batanes nito lamang Miyerkules, Mayo 25, 2022.
Ito ay sa pangunguna ni PCMS Edmund Justiniano Alasco, MESPO ng nasabing istasyon, kasama ang mga residente at opisyales ng Brgy. Hañib Vidugan kung saan kanilang pinagtulungan ang konstruksyon ng mga railings upang maiwasan ang pagguho ng lupa na dumadaloy sa mga kalsada na nagiging sanhi ng aksidente lalo na sa mga magsasaka na dumadaan dito.
Nagalak at natuwa ang mga residente at opisyales ng barangay sa pamumuno ni Kapitan Antonio F Tabuso dahil sa walang sawang tulong at suporta ng Mahatao PS sa kanilang barangay para sa kanilang kapakanan at ikakaunlad ng kanilang lugar.
Mailalarawan na napagtitibay nito ang samahan ng pulisya at komunidad sapagkat nagkakaisa ang mga ito sa bawat gawain para sa ikabubuti at ikauunlad ng kanilang lugar.
Source: Mahatao PS
###
Panulat ni PCpl Carla Mae Canapi
