Namahagi ng tulong ang ating mga kapulisan katuwang ang Shawarma Shack, isa sa mga PNP Stakeholders, sa ating mga kababayan na lubhang naapektuhan ng bagyong Maring sa iba’t-ibang barangay sa La Union, Ilocos Sur, at Cagayan noong Oktubre 18 hanggang 20 ng taong kasalukuyan.
Nasa kabuuang 1,500 na pamilya ang nabigyan ng food packs na naglalaman ng bigas, mga de lata, noodles, at bottled water sa nasabing relief operation.
Bumiyahe pa mula Maynila ang mga tauhan ng Shawarma Shack at mga volunteers upang maghatid at mamahagi ng nasabing ayuda sa ating mga kababayang nasalanta ng bagyong Maring sa naturang lugar.
Ang BARANGAYanihan program ng gobyerno ang siyang nagpapatunay sa pagkukusa at patuloy na pagtulong ng kapulisan sa ating mga kababayan na nasalanta ng kalamidad, gayundin sa mga lugar na lubhang naapektuhan ng pandemya.
####
Article by Patrolman Jonel Jarabe
